Serat Puspakajang Pupuh Telulas
Warangkana yayi
warangkana, sanadyan bakal wedar
tali kembening jendra hayuningrat
pangruwating diyu, ngarerujit telenging
wengi, kang ginubet titising sambekala
Kala kalaning angkara jumeneng ratu
Rina tan kinaya rina
Wengi tan pawates
Singup
ing panepen
Dudu yayi
dudu esemmu dak antu-antu minegar
Mungguhna rasa iku isih rinasa
Amung sato iki nora bisa tinemu pati
yen dede sinuduk susuk konde rinacik
ubarampe kembang ronce, mlathi agumulung
trusing galih, wening rembesan hidayat jati
Sinundhuk manthuk-anthuk
Tinumbak lakak-lakak
Samubarang mimis
sakala
kalis
Setan nora doyan
Dhemit ora ndulit
Iblis teka lunga padha
Miris
Andulu rahsa
sumunar ring ulu atining ampeyanira
Pedhut dadi araras sengkaruting giri
Ananjak plered dudu gegayuhan seta
Anembah panembahan sanes, suwita
Angudi sarira kaanggit gita
Bayu lali tindak, paksi lali wanci
Tinimbang lebur samubarang lir ring
jagad dewa bathara, kasawaban pralaya
puspakajang iki, mula gage yayi
Ing telenging wengi panepen
ampeyanira, enggal
warangkana
yayi
062002
Tidak ada komentar:
Posting Komentar