Barat agung agumulung
Satemah wedaran kang kumleyang
Saka gigiring bayu. Gelaran keber
Ring angkasa gumebyar katon
Sangsaya merak ing wayah
Tinibra layu
Duh yayi
Perihing galih amblabar
Anglukrah dhadha cungkuping
Angsoka
Kenya kang tinudhungan pedhut
Iki. Andedonga ing pacoban
Anangkup sumilir ring
Udhuping grana
Netraning anglarap
Larap. Astaning anggegem
Mawa
Sesekaran tumungkul
Angandhet asmaradana
Barat agung agumulung
Tansaya asring rinawuh
Angrerujit sakabehing gelaran
Sengkaruting araras sungkem
Seba sungkawa
Marang ilening narmada
Kang nora tumiba
Ing segara
2003
Tidak ada komentar:
Posting Komentar